連績十日每日食四個奇異果，十日之後共食左４０個奇異果，體重減左1磅，體內水份分含量減少4磅，腰圍由26.2吋增加至26.4吋，臀圍由35.6吋增加至36.6吋，脂肪比例上升左2.6％。
減左４磅水，腰同臀都大左，脂肪比例又多左，即係肥左，點解？
點解有人減到，有人減唔到？
胃寒脾虛型肥胖人士，只要食兩三個，好快就會肚痾，因為奇異果好寒，身體本身就寒的人士不宜食，脾胃虛寒人士，個腎通常已經虧虧地，食多ｄ奇異果，可能要去多ｄ廁所痾尿，女人經痛加劇，男人甚至陽痿啊！
胃熱肥胖型人士，因為本身就成日熱氣便秘，食幾個奇異果可能通大便，體重減輕，係因為宿便少左，唔係減左肥．香港的胃熱型肥胖人士，絕大部份都係虛火，虛火好易就會被寒涼食物淋熄，淋熄左之後，體質可能會反覆出現寒涼同熱氣，當食奇異果數量足夠時，有可能將虛火完全壓抑下來，由胃熱型肥胖轉為胃寒脾虛，到左呢個時候，就會開始肚瀉．
心火太大的人又有不同的情況，只要心火一日不滅，虛火就存在，不過食寒涼食物太多，始終唔係好事，好容易寒入三陰都唔知，寒入肝脾腎三陰，到時就大鑊啦！呢種就係嚴重嘅內寒外熱啦，好難醫架！
你又唔係鬼佬鬼妹，人地一日食幾磅肉，所以要食多ｄ寒涼生果平衡寒熱，你一日食幾多肉？男人通常一磅，女人半磅都唔夠，有ｄ減肥嘅女人，一日三餐加埋都無二兩肉，成日已經食埋好多寒涼食物，奇異果是勁寒之物，加埋佢，想唔腎虧都幾難啊！腎虧驚唔驚？女人腎虧宮寒經痛無仔生，男人腎虧夜尿陽痿最常見，想腎虧，食多ｄ奇異果啦！一日食４個奇異果，食完十日之後，保證腎虧！
明星食奇異果減肥方法失敗兼肚痾【奇異果的本質就是瀉藥】
減肥之前，要睇清楚自己係咩體質，唔好人食你又食，唔係痾到阿媽都唔認得你呀！
沒有留言:
張貼留言
注意：只有此網誌的成員可以留言。